唔係小兒科

今日重陽節
晨咁早就起身幫老媽子整理上將軍澳墓地既物品
識我既朋友都知我家族都算幾大
每年每個家庭都會分工合作咁各負責帶備咩物品上山
家下男丁就得我一個,其他個個都係女,咁自乜然最重大件既物品就一定係我黎 (心諗:Xyz@#!@$)
阿爸阿媽都年紀大~今日又比較曬~就住佢地慢慢行上去~我就做苦力
行到中途,阿爸係到呻做乜鬼今日一滴風都冇,見佢老人家火火地咪安慰下佢啦
我話 :"唔係播,我見下面有鷹飛緊~照常理有風D鷹先會係咁飛~你忍下啦~過左個山頭就會好D架啦!"
點知老豆串串地咁大返我轉頭 :"有風D鷹先會係咁飛,咁打颱風咪好多鷹 ?!"
老媽子一聽到,冇出聲兩秒,除除咁彈左一句連我都O哂咀既答覆:
"颱風"鸚鵡"就有, 鷹就唔知啦"
老豆聽到返而笑番哂~之後兩隻老野仲打情罵俏係咁一路行一路玩,仲行得快過我
一段成四十年既婚姻
原來可以咁串加簡單
好鬼幸福者
唔該
俾個女人我, OK ?

P.S. 最後我係曬乾左....好DRY ....SHIT ...!