可愛的醫生

近零晨時候
無啦啦早蕉要入廠(仲要係入急症室)
D血流到一厠所到係 ~ 勁 ~
係醫院到遇見一個可愛既醫生
真俾佢吹到啤一聲

我 : 醫生 ,家下我咁攪法有冇計防範之後再唔流血架 ? 你知啦 , 無啦啦係街到流血, 真係會嚇親街坊個喎 ~ 你睇~幾似"音樂噴泉" ~!

醫生 : 哦....咁呀....即係呢.....如果真係出事, 用手試下按住個傷口,一陣啦基本上啦..應該會...止到既.... (真係如果唔得一定得...絶 !)....我都冇計個喎....

我 : Um......但係如果止唔到又點算呢 ? 有冇個再好一D既方法.........?  (放低一蚊挑佢機先.... )

醫生 : 哦...理論上呢...按住佢都可以一般止到唔流架啦....不如咁...我開定D"止血藥"過你...一出事就拍佢一粒......咁就大既會冇事架啦....大既啦大既啦...你知都要睇你當時情形既...

我 : 哦....真係好藥黎個喎...帶定防身都好 (古惑仔有呢隻藥仲唔無敵 ? 返老還童金槍不倒添呀！).....但之不過咁.....你都見到我個情況架啦....水注咁...頂得住架啦 ??

醫生 : .................................................................................................

我 : ............................(等待回覆中....1.2..3...4......5秒)

醫生 : 用手試下按住個傷口,拍粒止血藥, 再唔掂 , 打 999 報警啦.....

我 : NICE !

呢個醫生哥哥 , 秤落都係 24 ,25歲到 , 有前途呀 , 挨夜加有肝火, 串咀啦話 , OK ~ YOU WIN !

我識趣
自己收皮先
因為我未想死住

唔該醫生

同自己比賽

TO ME

路從來都係難行
但係無論幾難都好
我一定會係度陪你
你嚟到呢個世界 係一個安排
你會俾你想像中更加偉大 !!

但係......
邊個發明咗錢
攪到我要用一生去追尋架
頂丫

好腰好腎男人

我幾時先訓練到呢個身型

打工仔, 升職加薪必勝法

大家出黎打工, 為咩呢? 緊係想升職加人工啦. 點樣先至可以俾你既上司賞識. 以下貼士可以幫到你.

1) 準時返工
實例: 員工甲每天準時返工, 返工後上網睇新聞食早餐, 差不多20分鐘後先真正工作. 員工乙每天遲到 5~10分鐘, 返工後立即工作.)
結果: 一年後, 上司評定員工甲 工作態度優異, 所以獲得加薪. 而員工乙因為遲到關係, 並沒有任何加薪.

2) 開 OT
實例: 員工甲於辦公時間, 經常與其他同事吹水, 講電話. 做每一件事都拖慢黎做. 直到放工時間才開始真正工作. 每天OT 2~3小時. 其後不斷向上司反映工作太多.
員工乙每天專心工作, 做每一件事都十分專注而且有效率. 但是每天都準時收工.
結果: 上司覺得員工甲工作量太多, 而員工乙因為每天都準時收工. 認為員工乙工作量太少, 將員工甲某些工作轉給員工乙. 另外, 由於員工甲經常開 OT, 上司每年分發花紅時, 員工甲比員工乙分多一倍花紅. 另加勤工獎.

3) 聽教聽話
實例: 上司制定任何新工作及新政策, 員工甲永遠表示支持, 就算某些政策會對員工不利或不公平. 一於少理. 甚至認為員工乙及其他員工的不滿是不正確. 並向上司舉報員工乙的不滿.
結果: 上司認為員工甲 對公司忠誠, 所以很快獲得升職. 員工乙因為對公司新工作及政策不滿. 上司認為對公司不忠誠. 所以幾年都無得升職.

4) 必須參與公司活動
實例: 員工甲對公司每次攪的活動, 例如: 行山, 燒烤, 到老闆 or 上司屋企食飯.....都必定出席. 員工乙因為對行山及燒烤沒有興趣, 所以不是每次都參加.
結果: 員工甲認為員工乙不參加公司活動是不對, 因為員工甲認為公司攞錢出黎攪活動, 是對員工一種福利, 員工乙不參加是浪費公司資源, 而且唔俾面老闆 & 上司.
結果: 員工甲向上司打報告. 上司認為員工甲 參加公司每一項活動, 對公司熱心, 對公司有歸屬感. 每年工作評估得到加分. 而員工乙因為不出席公司活動. 明顯對公司沒有歸屬感, 所以工作評估得分極低.

5) 投上司所好
實例: 上司對某化妝品及某品牌手袋有興趣, 於是員工甲也購買相同品牌的化妝品及手袋. 每次都把關於這些品牌的最新消息告知上司. 不論 lunch 或且 放工, 都與上司討論.
員工乙對這些都不感興趣, 所以並沒有什麼與上司有任何話題.
結果: 唔駛多講, 大家都知道結果係點.

大家只要做到以上(員工甲) 幾點, 相信大家升職加薪指日可待.

跟左個無quality既老細或上司,先會比甲有呢種機會發圍, 睇下間公司會點死
我公司就係有呢種人
奴隸獸 ! 狗奴才 ! 僕人 !