興趣

興趣
是人類在空閒時間喜歡做的休閒活動。
咁我又list下自己既興趣先

(1) 睇書 (雖然成日都未必哂,但係又真係係咁買)
(2) 釣魚 (我佛慈悲....釣完又唔食...所以都係放生多....冇人性~攪痛人..)
(3) 踢波 (成身傷都係咁踢,又唔係踢得好過人,老左你就知咩叫風濕)
(4) 睇電影/話劇 (唔另類我都唔睇,怪人 ! 又細路仔喎, 卡通片又非常好 ...)
(5) 聽歌 (我有個偏好,乜歌都聽,攪到KEEP左成1 TB 歌係 SERVER...但又真係會聽哂喎..癲xY$%@$^%)
(6) 搵食野 (我呢半世人,搵埋搵埋都係駛係食野既錢最多,好喜歡試新食物,我懷疑我前世係咪餓鬼死既)
(7) 音樂 (好耐冇玩結他了,以前就會左扮型去學,玩玩下又真係小小OK,但放棄左咁耐,近來好想搵返黎玩下)
(8) 作無聊劇本 (真係好無聊,作埋D所謂"劇本",次次作完都會毀滅佢...因為功夫真係未夠..成日以為自己係王家偉..超 !)
(9) 畫畫 (以前細個,返工廠做功課,總會一個人係到畫畫...自從中三後冇時間掂了..但一直係心中..原因..不提了)
(10) 搵錢 (興趣黎架,好大興趣添,唔好話我知你冇呢個嗜好呀 ! 昆我唔到既)
(11) 反思 (當我M黎個陣....好鬼有MOOD做呢樣野..要"反"轉自己,"批判"自己...再"發洩"自己...一支可樂呀唔該 !)
(12) 送心愛的人小禮物 (即係咁...咪咁羅)
(13) 玩貓咪 (其實咪玩返自己...貓邊會理我..我又唔係靚仔)
(14) 寫BLOG (因為我冇記性了,好似一個就黎消失既人咁,咪記底下發生過乜事,自己諗過D乜,記下吧)
(15) 打WAR GAME (以前好窮個陣,帶隊打WAR GAME真係救活過我生活一般時間,好好玩架,真係要TEAMWORK先掂)
(16) 識朋友 (但係呢....相識滿天下,知心有幾人, 我好珍惜知心的身邊人,我們是好朋友嗎?)
(17) 煮野食 (李錦聯上身...最好乜都係整定就最好)

講到尾....咪又係一個悶人..扮哂野 ! 哼 ! 唔係男人