做完哂食左個午餐就走去左haircut
今次冇打電話去booking, 所以要等好鬼耐
冇問題啦~撗掂同老闆都好鬼熟~咪睇住電影等下羅(次次都有新戲睇,好鬼o岩我)
順手又同佢三隻肥貓玩下(一間salon可以養三隻貓而又俾佢地通到跑~真係冇得頂)
一坐低,阿大已經走個黎喵下我~又跳上我到打招呼
咪抱下佢羅~點知阿二同阿細又跳埋個黎~~
嘩~一個麻甩佬坐係梳化到左擁右抱幾爽呀~
三隻肥嘟嘟既貓就係咁陪我睇電影
一睇就睇左兩個幾鐘....
正當到我修理頭髮既時候...Booooooo 一聲.......屁味????
原來貓真係會放屁架!!!!! 好鬼臭....近距離攻擊呀~~~~~~~~~
三隻衰野即刻飛閃哂 !
之後Terry就係咁笑我 ~佢話養左5年都未試過咁勁~
妖~
攪到我未剪就要用風筒吹身先
仲俾隔離個妹妹仔陰陰咀咁笑
估唔到連貓都黎整鬼我~
阿細, 小心下次抱住你就到我放! 睇住黎~ 報仇咁報 !
沒有留言:
發佈留言