人生
人生不如意事十常八九，咁即係話，人生最多係得十份之一係過癮架咋！
我地所謂既人生，無非就即係話，o個十常八九就冇得走雞架啦，依家就即係去飲，人情又做左啦，麻雀又輸埋啦，Ｄ魚又腥，雞又老，魚翅又稀，伙記又惡，你話唔堅持留到散席，包番幾隻靚橙先走，咁仲係人黎咩？ 下次仲黎唔黎就另一回事啦！
黃金屋
o係香港發達，就要訓街架啦！
我有冇計錯數？Ｄ樓一萬蚊一尺，一間三百尺既樓，係咪三百萬？
三百萬既樓，首期要俾三成，就係一百萬。
乜野人可以有一百萬既現金呀？
賣左你住緊個躉樓囉！
係呀，你要買一躉樓，首先就要有另一躉樓。
呢個人點解會有另一躉樓呀？啊佢原來就有另一躉樓囉。
咁佢第一躉樓點黎呀？
啊，唔知架，宇宙點黎丫？大爆炸爆出黎架！
你咪去同你女友講：得啦我就黎有黎樓啦，就黎爆出黎啦！
係呀，以我地既知識，係唔可以明白一個人點樣可以得到第一躉樓。
我地只知道牛頓既第八定律就係：
有樓有樓，冇樓冇樓，有樓可以變冇樓，冇樓就永遠都冇樓！
沒有留言:
發佈留言